Kubota M6002

Í M6002 línunni frá KUBOTA eru dráttarvélar í þremur stærðum 122 hö, 133 hö og 143 hö. Allar vélar eru svo með 20 hestafla aflauka sem kemur inn í keyrslu.

M6002 línan frá KUBOTA er eins og sniðin fyrir íslenskan landbúnað. Öflug vél með öflugu vökvakerfi, rúmgóðu fjaðrandi húsi og fjaðrandi framhásingu. Gírskiptingin er sjálfskipt þ.a. þægindin eru alls staðar í fyrirrúmi.

Mótor

Mótorinn í M6002 línunni er KUBOTA V6108 TIER V. 4 cylindra, 6,1 lítra diesel mótor með forþjöppu og millikæli. 4 ventlar á hverjum cylinder. Rúmtaksmikill mótor með rúmtak á við 6 cylindra vél. V6108 Tier V mótorinn uppfyllir alla helstu mengunarvarnastaðla og nær því með DPF sótkornasíu og AdBlue innspýtikerfi í afgasið.

Gírskipting

M6002 línan er búin rafskiptingu með 8 kúplingsfríum milligírum og 3 drifum H/M/L. Samtals 24 gírum áfram og 24 gírum afturábak. Gírkassinn er alsjálfskiptur á milligírum og en að sjálfsögðu er hægt að skipta líka handvirkt. Eins er hann rafskiptur á milli drifa. Sem valbúnað er hægt að fá skriðgír sem fjölgar þá gírunum í 32 áfram og 32 afturábak ásamt því að lækka lægsta hraða niður í 0,2 km/klst við 2000 sn/mín. Kúplingsfrír vendigírinn er mjúkur en hægt er að stilla viðbragðshraða hans. Eins er M6002 vélin búin svokallaðri bremsukúplingu (express restart) sem gerir það að verkum að óþarfi er að stíga á kúplingspedalann þegar nema þarf staðar. Nóg að þrýsta á hemlafetil og þá kúplar traktorinn sjálfkrafa. Þegar stigð er af hemlafetli kúplast sjálfkrafa inn aftur í réttum gír.

Vökvakerfi
Vökvadælan í KUBOTA M6002 línunni er álagstýrð (LS) og afkastar 115 l/min sem gerir vélina einstaklega skemmtilega í allri ámoksturstækjavinnu. Sem valbúnað er hægt að fá LS tengi (Power Beyond) að aftan sem henta vel t.d. við rúllusamstæðu. Þá kallar rúllusamstæðan eftir vökvaflæði þegar hún þarf á því að halda.
Vélin er búin 3 mekanískum vökvaúrtökum með stillanlegu flæði og sem valbúnað er hægt að fá það fjórða.

Tengibúnaður
Þrítengibeislið að aftan er rafstýrt og lyftir 7.000 kg. Á því eru opnir CAT III beislisendar. Dráttarkrókurinn er lyftutengdur og útskótanlegur (Dromone krókur) og honum fylgja bæði krókur og kjammi.
Sem valbúnað er hægt að fá frambeisli og framaflúrtkak sem gera vélina mun fjölhæfari og afkastameiri t.d. við slátt og snjómokstur.

Ökumannshús
Ökumannshúsið á KUBOTA M6002 seriunni er fjaðrandi og með því stærsta og bjartasta á markaðnum í þessum stærðarflokki véla. Nægt höfuðrými og vítt til allra átta. Vélin er búin loftpúðafjaðrandi GRAMMER sæti og bólstruðu farðþegasæti með nægu fótaplássi. Öflug miðstöð með loftkælingu og nóg af útblástursstútum. Á hægri hönd ökumanns er armhvíla með öllum helstu stjórntækjum og gírskiptihnúð. Vendigírsrofinn er svo staðstettur vinstra megin við stýrishjól en einnig er hægt að stýra vendigír með gírhnúð.

Tækni og valbúnaður
Sem valbúnað er hægt að fá 7" ISOBUS skjá ásamt ISOBUS innstungu að aftan sem eykur notkunarmöguleika vélarinnar til muna. Skjáinn er hægt að nota sem stjórnskjá ISOBUS tækja sem tengd eru við dráttarvélina, hann er einnig hægt að nota sem skjá fyrir myndavél eða bakkmyndavél. Skjárinn býður einnig uppá einfaldara viðmót við stillingar á hinum ýmsa búnaði vélarinnar.